02 January, 2014

ओझी नको वाहू


आला दिस गेला दिस
त्याने काय दिलं तुला
दिस मावळतीला गेला
मनी काहूर माजला

अशी दिसांची ही ओझी
नको वाहू रे बालका
गेला दिस हा गुमान
उद्या असेल बोलका

आशा निराशेचा खेळ
जशी दिस आणि रात
रात सरून जाईल
आधी कर सुरूवात

किती दिवसांमध्ये ही
काही नसेल घडलं
येत्या दिसाच्या कुशीत
तुझं सपान दडलं    

नरेंद्र प्रभू 

1 comment:

  1. येत्या दिसाच्या कुशीत
    तुझं सपान दडलं
    Chanch !

    ReplyDelete

LinkWithin

Related Posts with Thumbnails
 

Design in CSS by TemplateWorld and sponsored by SmashingMagazine
Blogger Template created by Deluxe Templates Tested Blogger Templates