16 July, 2019

लाखो इथले गुरु





मित्रवर्य सचिनदा आणि आत्मा यांनी सोशलमीडियावर गुरूपौर्णिमेनिमित्त 
बिन भिंतीची उघडी शाळा
लाखो इथले गुरू! ही ग. दि. माडगूळकर (गदिमा) यांची कविता टॅग केली आणि पुढील कविता सुचली.





कुठे कसे अन कधी भेटले
लाखो तिथले गुरु
मित्र, प्रवासी, गावं भेटले
त्यांच्या गोष्टी करू!

पाय पुढे अन रस्ता मागून
घेऊन आला घरापासून

नव्हते माहीत कुठे जायचे
अखंड यात्रा सुरु
कुठे कसे अन कधी भेटले
लाखो तिथले गुरु

कुणी म्हणाले शिखर गाठूया
नसता पायापुरत्या वाटा

ध्येय गाठायाचे म्हणूनी
शर्थ लढ्याची करू
कुठे कसे अन कधी भेटले
लाखो तिथले गुरु

वाटा नव्हत्या सोप्या कधीही
धडे गिरवले त्यात तरीही

काळ शिकवतो तंत्र उद्याचे
तोही एक गुरु
कुठे कसे अन कधी भेटले
लाखो इथले गुरु

असा माझा प्रवास आहे
नवीन रस्ता खुणवत राहे

जमेल तेंव्हा जमेल तेथे
भ्रमंती माझी सुरु
कुणास ठावे कसे भेटतील
लाखो तिथले गुरु



1 comment:

  1. Thanks for the good writeup. It actually used to be
    a enjoyment account it. Look advanced to far brought agreeable
    from you! By the way, how can we communicate?

    ReplyDelete

LinkWithin

Related Posts with Thumbnails
 

Design in CSS by TemplateWorld and sponsored by SmashingMagazine
Blogger Template created by Deluxe Templates Tested Blogger Templates