नरेन्द्र प्रभू

वार्षीकोत्सव

2012-01-30T10:15:00.019+05:30

असे उत्सव जे वर्षातून एकदा येतात. अनेकदा ते करायचे म्हणून केले जातात. मराठी माणूस तसा उत्सव प्रिय. सदा सर्वदा काहीना काही कारण काढून उत्सव साजरे करणं हा वसाच जणू यांनी उचललेला असतो. आमच्यासाठी मात्र इशा टुर्सचं प्रभादेवीला भरणारं प्रदर्शन म्हणजे वार्षीकोत्सव असतो. तशी यावर्षी डोंबिवली, पुण्याला दोन प्रदर्शनं झाली पण मुबईचं प्रदर्शन म्हणजे महोत्सव असतो. अनेक मित्र जे एरवी फोनवरच भेटतात ते या

आकार पॉट आर्ट

2012-01-26T15:07:00.003+05:30

मातीला पाय जरी लागला तरी ई..ई...ई....! करत ओरडणारी शहरी मुलं मातीला हात लावायला उद्युक्त होतात, माती बरोबर खेळायला तयार होतात, मातीच्या प्रेमात पडतात. मोठी माणसं गतकाळच्या गावच्या आठवणीत रममाण होतात, गृहिणींना काय विकत घेऊ आणि काय नको असं होतं. आकार पॉट आर्ट च्या दालनात प्रवेश केल्या केल्या हे असं घडतं. मुंबई गोवा राष्ट्रीय महामार्ग १७ ला लागून असलेल्या तलाशेट, इंदापूर इथे हे आकार पॉट आर्ट चं

रेल्वे प्रवासात असुविधा झाल्यास 8121281212 वर SMS करा

2012-01-25T13:23:00.000+05:30

रेल्वे प्रवासात असुविधा झाल्यास काय करावं? हा प्रश्न आपल्याला कधी ना कधी पडला असेलच. सरकारी खात्यात अनेक खेटा मारल्या तरी कामं होत नाहीत हा नेहमीचा अनुभव असल्याने प्रावासात आपल्याला लगेच मदत मिळेल याची आपण कधीच आशा धरत नाही. कसा बसा प्रवास संपवण्यावरच आपला भर असतो, पण आता IRCTC आपल्या हकेला ओ देते असा चांगला अनुभव एका प्रवासी मित्राला आला आहे. त्याचं असं झालं हा प्रवासी हैद्राबाद अजमेर

पैलतीर

2012-01-16T20:28:00.002+05:30

सांज सभोवती दाटून येता हसून करिती अपूले स्वागत पैलतीरावर दोघे क्षणभरपैलतीरावर दोघांचे घर घर दोघांचे होते सुंदर नात्यांमध्ये पडले अंतरऎलतीरावर नाती सगळी पैलतीरावर दोघांचे घर नाती-गोती होती बोजड आठवणींच्या हिंदोळ्यावर लपल्या व्यथा लोचना आड हसून करिती त्यांना ते दूर मधून वाहे अथांग पाणीऎलतीराला जाणीव नाही रुजून येती नवीन नाती पैलतीरावर अशी कितीक ती पळभर येती निघून जाती असे सोबती अशीच नाती

हर्णै बंदर

2012-01-10T17:35:00.006+05:30

कुबेराची संपत्ती आणि समुद्रातील धन कधी संपायचं नाही. त्यातली कुबेराची संपत्ती अजून पाहायची आहे पण समुद्रातील धन पाहीलं ते हर्णै बंदरावर. चमचमत्या चांदीचा वर्ख ल्यालेली मासोळी पुरा बंदर किनारा व्यापून उरली होती. जिकडे बघावं तिकडे मासळीच मासळी. शेकडो होड्या बंदराला लागल्या होत्या आणि त्या मधून आणलेलं ते धन कोळी लोक बैल गाड्यांमधून किनार्‍यावर आणून आणून ओतत होते. किती ओतलं तरी ते संपत नव्हतं.

फेटेवाला मुंज्या!

2012-01-08T12:38:00.005+05:30

जालरंग प्रकाशनाच्या 'शब्दगारवा' या अंकात प्रसिद्ध झालेली माझी कथा. वार्षिक परीक्षा संपली होती. अजून रिझल्ट लागायला वेळ होता. शाळेत जा की नको जाऊ, कुणीच विचारत नव्हतं, ना रागावत होतं. अशा दिवसात मी जवळपासच्या डोंगरावर जास्त रमायचो. परीक्षेच्या दिवसात अभ्यासामुळे कित्येक गोष्टी करायच्या राहून गेलेल्या असत. नारायण धारप, बाबूराव अर्नाळकरांपासून बाबा कदम, वि.स.खांडेकरांपर्यंत जे मिळेल ते वाचावं

केतकी बीच रिसॉर्ट

2012-01-06T10:40:00.002+05:30

मुंबई पासून २२५ कि.मी. अंतरावर असलेलं आंजर्ले हे दापोली जवळ असलेलं एक सुंदर गाव. कोकणातल्या उत्तम निसर्ग सौंदर्याचा अनुभव घ्यायचा असेल तर अशा गावात गेलं पाहिजे. डोंगरमाथा आणि तो उतरताच पायथ्याशी असणारा अथांग सागर किनारा हे कोकणातल्या बहुतेक समुद्र किनार्‍यांचं वैशिष्ठ्य, आजर्ल्याचा किनारा तसाच, मनाला भुरळ पाडणारा. शांत सुंदर गाव आणि तशीच त्या वातावरणाला शोभतील अशी माणसं. नागमोडी रस्ते, ठिक

थर्टी फस्ट गोड झाला

2012-01-02T16:21:00.004+05:30

थर्टी फस्ट...! हल्ली हा उत्सव झालाय. डिसेंबर महिन्याची एकतीस तारीख म्हणजे इंग्रजी वर्षाचा अखेरचा दिवस. नववर्षाचं स्वागत करण्यासाठीची तयारी बर्‍याच आधी पासून सुरू होते. कुठे जायचं, कसं जायचं.... पासून कुणाबरोबर जायचं याची आखणी सुरू होते. खरं तर इतर दिवसा सारखा हा ही एक दिवस, पण दिवसा पेक्षा रात्रीला जास्त महत्व. नीशे सोबत नशेला ही जवळ करण्याची घाई. माहोल अगदी धुंद करणाराच हवा असा अट्टाहास.

सगुणा बाग

2011-12-24T11:00:00.003+05:30

मुंबई जवळ असलेलं एक शांत, सुंदर गाव अनुभवायचं असेल तर नेरळच्या सगुणा बागेत गेलं पाहिजे. नुकताच मी सगुणा बागेत जाऊन आलो. पाच वर्षांपुर्वीही गेलो होतो. त्या पेक्षा आता जास्त सोयी तिकडे दिसून आल्या. शहरा जवळच्या या शांत गावात पंचावन्न एकर जागेवर पसरलेलं हे कृषी पर्यटन आणि संशोधन केंद्र आहे. समोरच माथेरानच्या डोंगर रांगा, सगुणा बागेला खेटून जाणारी स्वच्छ निर्मळ उल्हास नदी, मन प्रफुल्लीत करणारी

वन्यजीव छायाचित्र प्रदर्शन

2011-12-22T22:09:00.001+05:30

जंगलात फिरण्याचा आनंद काही औरच असतो. जंगलवाचन करायला शिकल्यावर तीथले बारकावे, वन्यप्राण्यांच्या सवयी या सगळ्याची हळूहळू ओळख व्हायला लागते. जंगलात गेल्यावर जर जंगलचे बहूतेक नियम पाळले तर वन्य प्राण्यांचं दर्शन होण्याची शक्यता असते. पण जर त्यांची छायाचित्र काढायची असतील तर मात्र बरीच मेहनत घ्यावी लागते. अशी मेहनत माझे मित्र विलास आम्रे यांनी नक्कीच घेतली आहे. भारतातल्या बहूतेक सर्व राष्ट्रीय

मराठी ब्लॉग - एक परिचय

2011-12-20T11:38:00.003+05:30

कल्याण येथील अग्रवाल कला, वाणिज्य आणि विज्ञान महाविद्यालय आणि विश्वविद्यालय अनुदान आयोग यांच्या संयुक्त विद्यमाने नुकतेच ‘ब्लॉगविश्वातील हिंदी’ या विषयावर दोन दिवसीय राष्ट्रीय चर्चासत्र आयोजित करण्यात आले होते. सदर चर्चा सत्रात मी केलेल्या भाषणाचा गोषवारा इथे देत आहे. हजारों सालोंसे मनुष्य अपनी मन की भावनाऍं दूसरे व्यक्ति के साथ बाटता आया हैं। जैसे जैसे समाज प्रगत होते गया, पहले की

लडाखचे अंतरंग पुण्यात

2011-12-16T12:42:00.001+05:30

लडाखचे अंतरंग जाणून घेणं ही पर्वणी असते. एखाद दूसर्‍या लडाख भेटीत लडाखच्या सौदर्याची तशी कल्पना येत नाही. गेली पंधरा वर्ष सातत्याने लडाखच्या वाटा धुंडाळणारे आत्माराम परब यांनी छायाचित्रणाच्या माध्यमातून लडाखचे हजारो मुडस् टिपले आहेत. अनेक अनवट वाटा पादाक्रांत करत असताना लडाख प्रांत त्याना अधिकाधिक भावत गेला. शुन्यच्या खाली तीस पस्तीस तपमान गेलं असतानाही तीथे जावून गोठलेलं लडाख त्यांनी अनुभवलं

'ब्लॉगविश्वातील हिंदी' कल्याणमध्ये राष्ट्रीय चर्चासत्र

2011-12-08T10:44:00.003+05:30

ठाणे/खास प्रतिनिधी(लोकसत्ता मधून साभार) कल्याण येथील अग्रवाल कला, वाणिज्य आणि विज्ञान महाविद्यालय आणि विश्वविद्यालय अनुदान आयोग यांच्या संयुक्त विद्यमाने ९ आणि १० डिसेंबर रोजी ‘ब्लॉगविश्वातील हिंदी’ या विषयावर दोनदिवसीय राष्ट्रीय चर्चासत्र आयोजित करण्यात आले आहे. ‘हिंदी ब्लॉगिंग : स्वरूप, व्याप्ति और संभावनायें’ असे या चर्चासत्राचे स्वरूप आहे. शुक्रवारी सकाळी उद्घाटनानंतर दुपारी १२ वाजता

ज्याचा त्याचा सूर्य

2011-12-07T21:06:00.004+05:30

‘नासा’च्या दुर्बिणीला गवसली दुसरी वसुंधरा! ही बातमी आज लोकसत्ता मध्ये वाचली. केप्लर अंतराळ दुर्बिणीला आपल्या पृथ्वी सारखाच एक ग्रह अंतराळात दिसला आहे. प्रथम दर्शनी पृथ्वीचे गुणधर्म असलेला हा ग्रह आहे. तो ग्रह एका वेगळ्याच सूर्या भोवती फिरत आहे. त्या सूर्या पासून उर्जा घेत आहे. त्या सूर्याचं आणि त्या पृथ्वीच एक नातं आहे. ती पृथ्वी २९० दिवसांत त्या सूर्या भोवतालची एक प्रदक्षणा पूर्ण करते.

ईशान्य वार्ता

2011-11-30T10:41:00.002+05:30

संपूर्णपणे वाचनीय असे ‘ईशान्य वार्ता’ हे मासिक हाती पडलं आणि अखेरच्या पृष्ठापर्यंत वाचून काढलं. ईशान्य भारता विषयीची उपेक्षेची भावना नाहीशी होवून औत्सुक्य आणि जिज्ञासा जागृत व्हावी हा या मासिक काढण्याबद्दलचा उद्देश साध्य व्हावा असाच हा अंक आहे. या मासिकाचे संपादक पुरुषोत्तम रानडे आणि त्यांच्या चमूने परिश्रम घेवून हा अंक सिद्ध केला आहे. ईशान्य भारतातील जनता देशाच्या प्रमुख प्रवाहात यावी या

भारत जोडो

2011-11-28T10:34:00.002+05:30

खंडप्राय भारत देश एकसंघ राहावा अशी प्रत्येक देशप्रेमीची इच्छा असतेच. सरकारी पातळीवर अनेक धोरणे आखली जातात, पण ती बहुतेक वेळा कागदावरच राहातात. काही समाज धुरीण मात्र हा वसा घेतात आणि जन्मभर त्या साठी झटत असतात. शंकर दिनकर उर्फ भय्याजी काणे हे त्या पैकी एक. आत्यंतीक देशप्रेमाने प्रेरीत होऊन भय्याजीनी आपली मुख्याध्यापकाची नोकरी सोडून थेट म्यानमारच्या (ब्रम्हदेश) सिमेलत असलेले मणिपूर हे राज्य

सदाबहार ‘गीतमाला’

2011-11-27T10:38:00.002+05:30

“देवी और सज्जानो.........., बहनो और भाईयो.......” अशी हाक देऊन तमाम भारतीयांना चाळीस वर्षाहून जास्त काळ ‘बिनाका गीतमाला’ या रेडीओ कार्यक्रमाच्या माध्यमातून जोडून ठेवणारे अमीन सायानी काल प्रत्यक्ष ऎकायला मिळाले. निमित्त होतं ‘स्वरगंधार’चे मंदार कर्णीक यांनी आयोजित केलेल्या ‘गीतमाला के सुरीले संगीतकार- अमीन सयानी के साथ’ या कार्यक्रमाचं. रेडीओ सिलोन वरून दर बुधवारी रात्रौ आठ वाजता सादर

देवा काय देऊ तुला?

2011-11-22T13:23:00.003+05:30

श्रेष्ठ संगीतकार, गीतकार, कवी, गायक आणि विशेष म्हणजे खरोखरीचा ‘देव’माणूस असलेलं एक उमदं व्यक्तीमत्व म्हणजे यशवंत देव. काल माटुंग्याच्या यशवंत नाट्य गृहात त्यांचा “माझा सन्मान” देऊन सत्कार करण्यात आला. वयाची पंच्याऎशी वर्ष पुर्ण करणार्‍या यशवंत देवांना नुकताच माहाराष्ट्र शासनाचा ‘लता मंगेशकर’ पुरस्कार देण्यात आला. त्या पुरस्काराची पुर्ण रक्कम रुपये दोन लाख यशवंत देवांनी दिवंगत संगीतकार

बोंडला अभयारण्य - गोवा

2011-11-16T10:57:00.000+05:30

नयनरम्य अशा समुद्र किनार्‍यांसाठी प्रसिद्ध असलेल्या गोव्यात गेल्यावर बोंडला अभयारण्याला अवश्य भेट दया. फक्त आठ चौरस किलोमीटर एवढाच व्याप असला तरी प्रदुषण मुक्त असलेला हा भाग अवर्जून पहावा असाच आहे. दाट जंगलाने वेढलेलं पच्छिम घाटातलं हे अभयारण्य रानगवे आणि सांबरांसाठी प्रसिद्ध आहे. वळणावळणाच्या वाटेवरून जाताना मध्येच नदीचा प्रवाह दिसतो आणि शेवटी आपण या अभयारण्यातील प्राणी संग्रहालया जवळ

सुंदर प्राणी

2011-11-14T16:11:00.000+05:30

बालदिना निमित्त ही कविता छोट्या दोस्तांसाठी. हत्ती हत्ती मोठ्ठा किती ! हत्तीला पाहून वाटते भिती एवढीशी मुंगी, तीच नाव चिंगी हळूच येऊन मारते नांगी खादाड मनीमाऊ, करते म्याव म्याव स्वयंपाकघरात घुसून, दुध पिते राव ! सश्याचे कान, जिराफाची मानवाघाचे पंजे, उंटाची कमान कित्ती सुंदर हे सगळे प्राणीआम्ही गातो त्यांची गाणी नरेंद्र प्रभू

दोस्तीचा धागा

2011-11-14T10:16:00.004+05:30

एकच धागा परस्परांना जोडूनी जेव्हा जातो ह्रदयाचे मिलन करूनी तयांचा मिलाप तेव्हा होतो ह्रदबंध तक्षणी अतूट नाते, सहोदरांचे होतेकिती तरल भावनाया ह्रदयीची त्या ह्रदयी ती जाते मग, फुटती निर्झर द्रवती हृदये लोण्याहून मऊ होतीजी, वैशाखातील ढेकळापरी होती नरेंद्र प्रभू

आशा

2011-11-11T16:35:00.003+05:30

मनमनी छेडीली तारअशी हळूवार कोवळ्या रात्रीझंकार जाहला मात्ररंग तरंग गात्रोंगात्री अंधूक दिशातून उजळे एक प्रकाशनिमिषात जळाले जळमटलेले पाश किती काजळकाळीहोती ती गत रात्रठेचाळत होतोपदपथ थारोळ्यात ती दिसली, म्हणता म्हणताधूसर झाली परी, तरंग उठऊन जागऊनी मज गेली नरेंद्र प्रभू

झाले मोकळे आकाश

2011-11-09T13:20:00.001+05:30

आज मोकळे आकाशरवी सुखाऊन गेलापडे पिठूर चांदणे शशी हसाया लागला आज मोकळे आकाश तारकांची लयलूट चहू दिशांना आरास मनी चंदेरी प्रकाश आज मोकळे आकाश शितल वार्‍याचा गारवामनमोर नाच करीअंतरात वाजे पावा आज मोकळे आकाश भाळा वरली निळाईजणू पदर आईचातीच गातसे अंगाई नरेंद्र प्रभू

सीमोल्लंघन...!

2011-10-06T14:46:00.000+05:30

आज दसरा..., विजयादशमी. मोबाईलवर आणि इमेलवर अनेक मित्रांचे शुभसंदेश सकाळपासून येते आहेत. दुष्टप्रवृत्तीवरच्या विजयाची आठवण म्हणून आपण दसरा साजरा करतो. सीमोल्लंघनाचाही हाच दिवस. पुर्वीच्या काळी सुगीच्या दिवसांनंतर शेतकरी, व्यापारी गावाची वेस ओलांडून परगावी जात, पराक्रमी राजे राज्याच्या सीमा वाढवण्यासाठी सज्य होवून युद्धाभुमीवर जात. पण ते कधीतरी परत येणार म्हणून त्यांना आनंदात निरोप दिला

मुक्तांगण – दिवाळी आधीची दिवाळी

2011-09-28T10:40:00.000+05:30

दिवाळी अंकांची चाहूल लागायच्याआधीच ‘मुक्तांगण’ हा आचार्य अत्रे कट्टा कांदिवली यांचा वर्धापन दिन विशेषांक हाती आला आणि दिवाळी पुर्वीच साहित्याचा फराळ मिळाला. एखादया उत्कृष्ट दिवाळी अंकाचा दर्जा असलेला हा विशेषांक आहे. विविध विषयांवरच्या वाचनीय साहित्याने सजलेला हा अंक म्हणूनच संग्रही ठेवण्या सारखा आहे. आचार्य अत्र्यांच्या दातृत्वाच्या कहाण्या सांगणारा श्रीधर भटांचा लेख पहिल्यांदाच

गुरू

2011-09-05T16:22:00.002+05:30

गुरू.....! आज विचार केला तर वाटतं गुरू मला पहिल्यांदा भेटला तो कोचर्‍याच्या निसर्गात आणि आजूबाजूच्या माणसात. शाळेची पायरी चढायच्या आधी खळ्यातल्या विहिरीतून पाझरणारं पाणी पाटातून वाहात जायचं आणि माडाच्या अळ्यात जाऊन विसावायचं. अंगण सारऊन झाल्यावर उरलेली शेण-माती भिमाबाई माडाच्याखाली पसरायची तेव्हा मी तिला विचारायचो शेण माडाखाली का टाकलस? “माडाखाली शेण घातल्याशिवाय वर नारळ कशे लागतले?” असा

पडदया मागचे वास्तव

2011-09-04T10:57:00.001+05:30

लोकपाल विधेयक आणि त्या निमित्ताने संपुर्ण देशातून अण्णांना मिळणारा उत्स्पुर्त पाठिंबा, वेगाने घडणार्‍या घटना, शेवटी उपोषण समाप्ती, या सर्वांमध्ये दिल्लीतील मराठी नेते आणि महाराष्ट्रातील सामाजिक कार्यकर्ते नेमकं काय करत होते हे सर्वांसमोर येत नव्हतं. जी काही महिती मिळत होती ती तूकडया तूकडयात येत होती. हिवरे गावचे सरपंच आणि महाराष्ट्र सरकारच्या आदर्श गाव समितीचे अध्यक्ष पोपटराव पवार यांची

पद्मभूषण श्रीनिवास खळे अनंतात विलीन

2011-09-02T18:28:00.000+05:30

आपल्या सर्वांगसुंदर रचनांनी तमाम मराठी मनाला गुंतवून करणारे संगीतकार पद्मभूषण श्रीनिवास खळे हे आज अनंतात विलीन झाले "जय महाराष्ट्र माझा", "गोरी गोरी पान", "शुक्रतारा मंदवारा", "बगळ्यांची माळ फुले", "श्रावणात घन निळा', "निज माझ्या नंदलाला', "या चिमण्यांनो परत फिरा रे', "सावळे सुंदर रुप मनोहर' अशा अनेक गाण्यांना खळेकाकांनी अप्रतीम स्वरसाज चढविला. भावगीत, अभंग, बालगीते, पोवाडा, लावणी

एक ठिणगी पडली आहे...!

2011-08-28T18:07:00.001+05:30

गेली ४२ वर्ष जे कुठल्याही सरकारने केलं नाही आणि लोकपाल बिल योग्यरित्या आणण्याचा ह्या सरकारचाही मानस नव्हता ते बिल आता येऊ घातलय. तमाम राजकारण्यांनी ज्या अण्णांना हिणवण्यातच धन्यता मानली त्या सर्वांचा मुखभंग झाला आहे. अनिच्छेने का होईना सर्वच्या सर्व राजकारण्यांना लोकसभेत अण्णांसमोर नतमस्तक व्हावं लागलं. अण्णानी उपोषण सोडलं पण ते सोडताना हा अर्धा विजय आहे असं सांगायला ते विसरले नाहीत. अजून लढाई

एक अण्णा, ...हजारो, ...लाखो ...कोटयावधी हजारे....!

2011-08-16T22:10:00.002+05:30

शेवटी केंद्र सरकरने अण्णाना अटक केली. पंतप्रधान मनमोहन सिंह यांच्या म्हणण्या प्रमाणे कायदा सुव्यवस्थेची जबाबदारी पोलिसांची, त्यांच्याशी अण्णांनी बोलावं. पोलिसांच्या अटी मान्य कराव्यात, यात लक्ष घालणं आपलं काम नाही. हो ते बरोबरच आहे म्हणा. पंतप्रधानांचं कशावरच नियंत्रण नाही. ना पक्षावर, ना मंत्र्यांवर, ना महागाईवर, ना अतिरेक्यांवर. एक पंतप्रधानांचं मौन सोडलं तर बाकी सगळे वाचाळ मंत्री आणि

मनमोहन हा साजरा श्रावण

2011-08-12T17:30:00.002+05:30

वन पाचूचे, बन पाचूचे हिरवी झाली धरती दुथडी भरून वाहे गंगा आकाशाला भरती गहिवरले ढग, मोहरले जगआनंदा ना गणतीदाही दिशांचे पालटले रुपचहूबाजू या सजती इंद्रधनूचा खेळ साजराकितीक रंगांचा नजारानाद खळाळत वाहतो झराधबधब्यांच्या धवल धारा दरी दरीतून गार वारालयीत नाचे पिक शिवाराक्षणात होतो वरून मारासुखवून जाई गाय-वासरा रानफुलांची मखमल सजलीफुलपाखरे नाचू लागलीपक्षीगणांची किलबिल झालीहर्षभराने धरा नाहली मंदिरातला

हिम दाटले शिखरावरती ...!

2011-06-30T17:27:00.002+05:30

हिम दाटले शिखरावरती... अन, पायतळी विराण धरती...! लडाखला गेलं की सभोवताली अशी शिखरं दिसतच राहातात. हॉटेलच्या खिडकीतून, गाडी मधून, रस्त्यावरून अगदी बाजारपेठेतूनही. तिकडे फिरत असताना त्याचं अप्रूप वाटलं नाही तरी परतल्यावर हिच शिखरं मन:पटलावर उमटत राहातात, कधी कधी व्याकूळ करतात.

ललाटीच्या रेषा

2011-06-26T18:21:00.000+05:30

धरा दूर, त्याच्या ललाटीच्या रेषा शिव समाधीत मग्न असे......

हे नाटक बघाच

2011-06-26T09:13:00.000+05:30

काल बर्‍याच दिवसांनी शिवाजी मंदिरला नाटक बघायला गेलो होतो. पहिल्या काही मिनिटातच ‘लव्हबर्डस’ या नाटकाने मनाची पकड घेतली आणि ती नाटक संपेपर्यंत कायम राहिली. रंगमंचावर अतिशय वेगाने घटना घडत होत्या आणि त्या प्रेक्षागृह मंत्रमुग्ध होवून पाहात होतं. बर्‍याच वर्षांनंतर असा थरार रंगमंचावर पाहिला. अमृता सुभाष, अनिकेत विश्वासराव, गिरीश साळवी आणि केतकी सराफ सर्वांचेच अभिनय वाखणण्याजोगे, अमृता सुभाष तर

साद त्यांनी ऎकली अन......!

2011-06-23T19:37:00.002+05:30

या वर्षी ही जोडी जरा उशीराच आली. कुणी जाल का, सांगाल का ? अशी आर्जवंसुद्धा करावी लागली. पण एकदा आल्यावर ताना मारण्यात कोकीळ जराही कमी पडला नाही. पंधरा दिवसांनंतर लडाखहून परतलो तर पाहूणे मंडळी गायब झालेली होती. (तशी ती होणारच होती म्हणा. अजून त्यांनी प्रकृतीधर्म सोडलेला नाही)......... आता पुन्हा वसंताची वाट बघायची. कोकीळा (मादी) कोकीळ (नर, हाच गातो) साद त्यांनी ऎकली, अन साथ

जगत होतो

2011-06-21T16:51:00.001+05:30

दोस्त हो, हा अनुभव घेत होतो गेले पंधरा दिवस. जगत होतो म्हणाना...! खुप मज्जा आली. लवकरच लिहिन त्या बद्दल तो पर्यत या छायाचित्रावर समाधान माना. आयुष्यातले दिवस सरले म्हणजे जगलो असे होत नाहीउत्कटतेचे क्षण जगताना आयुष्य सरले तरी तमा नाही

तो आणि ती

2011-04-29T13:12:00.000+05:30

दोन मने जुळतानामनात घर करून राहातात तो आणि ती नवा संसार उभारतानाबाहेर घर शोधत राहातात तो आणि ती दोन मने जुळतानादोन घरात रहात असतात तो आणि तीनवा संसार उभाराताना घरां बाहेर घर करण्यासाठी धडपडतात तो आणि ती दोन मने जुळतानाआपल्याच परक्या घरात राहातात तो आणि ती नवा संसार उभाराताना माय बापाचा जाच सहन करतात तो आणि ती दोन मने जुळतानाकाटेरी वास्तवाला सामेरी जातात तो आणि ती नवा संसार उभाराताना घायाळ

चिमणं घरटं बाधू द्या...!

2011-04-17T19:00:00.000+05:30

काही वर्षांपुर्वीपर्यंत घराच्या आजूबाजूला सतत चिमण्यांचा वावर असे, कित्येकदा पहाटे जाग यायची ती त्यांच्या चिवचिवाटानेच. पण आता त्या सगळ्या आठवणीच शिल्लक राहिल्या आहेत. जेव्हा त्या चिमण्या होत्या तेव्हा त्याचं महत्व वाटायचं नाही. पण असे पक्षी, प्राणी दिसले की नकळत आपल्या मनावरचा ताण हलका होतो. सहजीवनासाठी ते अवश्यकही आहे. असं असलं तरी चिमण्यांना घरटं बनवण्यासाठी सोयीचे ठरणारे आसरे जसे कमी कमी

प्रत्यक्ष कृती (Direct Action)

2011-04-09T17:22:00.001+05:30

आपल्या डोळ्यासमोर अनेक चुकीच्या गोष्टी घडत असताना आपण तिकडे दुर्लक्ष करतो किंवा चालायचच म्हणून पुढे जातो. हे असं वारंवार घडत जातं आणि आपण आपल्या आयुष्यात संवेदनशीलताच गमावून बसतो. मुंबईसारख्या शहरात तर अशा कितीतरी गोष्टीकडे आपणाला कानाडोळा करावा लागतो, पण या मुळेच गुन्हेगारी प्रवृत्ती फोफावते. माणसांवर होणार्‍या अन्यायाला इतर कुणी नाही तरी तो स्वत: वाचा फोडू शकतो. पण प्राण्यांवर होणार्‍या

आनंदोत्सव

2011-04-03T13:20:00.002+05:30

'रन'विर तो एक क्षण आणि त्यानंतरचा सगळा वेळ केवळ अनंद आनंद आणि आनंदानेच भरून राहिलेला होता. विजयाची झिंग काय असते ते काल सार्‍या भारताने अनुभवलं. विश्वचषकाच्या सगळ्या प्रबळ दावेदारांना चीत करत काल क्रिकेटच्या पंढरीत भारताच्या विरांनी झळाळता चषक उंचावला तेव्हा खरच आकाश ठेंगणं वाटू लागलं. संघनायक ढोणीने षट्कार लगावून चेंडू प्रेक्षकात भिरकावला तेव्हा फटाके फुटत राहीले आकाशात आणि मनातही. उधाण

महत्वाच्या नागरी सेवा आणि त्यांच्या लिंक

2011-03-26T11:26:00.000+05:30

महत्वाच्या नागरी सेवा आणि त्यांच्या वेबसाईटसच्या लिंक खाली देत आहे. Obtain:· Birth Certificate· Caste Certificate· Tribe Certificate· Domicile Certificate· Driving Licence