धरित्रीचे देणे

अर्धी रात्र सरलेली

जागे सपान उशाला

कानी कपाळी ओरडे

जाग आली स्मशानाला

किती नाती अशी मेली

काही अर्धीच राहीली

विण नात्यातली आता

काहो अशी उसवली?

त्याने धरित्रीचे देणे

असे फुंकून टाकले

आणि रान तुकड्याचे

कसे विकून टाकले?

काहो मरते ही माती

नाती माती माती होती

किती राखावी तरीही

असे ओंजळ ही रिती

आता गुंता सारा झाला

टाळे पडे घरट्याला

किती टाळावे तरीही

जागे सपान उशाला

नरेंद्र प्रभू

२४/१२/२०१५