इज्जत

आपली समाजात किती इज्जत आहे, किंबहुना असावी यासाठी सगळेचजण सजग असतात. आपल्या इज्जतीला धक्का लागू नये म्हणून प्रयत्न करतात. जर एखद्याने सर्वांसमोर आपली अक्कल काढली किंवा घालूनपाडून बोलला तर आपल्याला आपल्या इज्जतीचा फालूदा होतोय असं वाटून समोरच्याचा खिमा करण्याची तिव्र इच्छा होते. घराण्याची इज्जत, मुलीची इज्जत, स्त्रीची इज्जत, हल्ली लग्नाच्या बाजारात मुलाची इज्जत असे इज्जतीचे अनेक प्रकार आहेत. जो तो आपापल्या परीने ती सांभाळण्याचा प्रयत्न करतो. एकूण काय प्रत्येकजण आपल्या समजानुसार आपल्या इज्जतीला जपण्याचा प्रयत्न करतोच करतो.

अगदी लहानपणापासून घरी आई आणि शाळेत शिक्षक आपल्याला कसं वागावं याचे धडे देत असतात आणि मुलं सर्वाथाने शहाणी होवून आपला आणि आपल्या घराण्याचा पर्यायाने समाजाचा उत्कर्ष कसा  होईल यासाठी प्रयत्न करीत असतात. मित्रहो... नमनाला घडाभर पाणी ओतल्यावर मी आता इज्जतीवर येतो. त्याचं काय झालं आज पार्ल्यात लोकमान्य सेवा संघाच्या पु.वि. भागवत गुंतवणूक प्रबोधन केंद्रातर्फे श्रीमती हर्षला चांदोरकर (Sr. Vice President, CIBIL) यांचं वैयक्तिक पत मानांकन (Credit Rating) या विषयावर व्याख्यान होतं. फार आधीपासूनच तुमचं क्रेडीट किती आहे यावर तुमची इज्जत अवलंबून असते. 

वाहन, घर कर्ज, क्रेडीट कार्ड इ. कारणासाठी प्रत्येक व्यक्तीचं ‘पत मानांकन’  बॅंका किंवा संबंधीत संस्था तपासत असतात. तुम्हाला कर्ज किती मिळू शकतं हे तपासताना बॅंक तुमचं क्रेडीट रेटींग किती आहे याचा दाखला मिळवते आणि नंतरच कर्ज मंजूर करायच का? किती रक्कम द्यायची ? की कर्ज द्यायचंच नाही हे त्या दाखल्यावरून ठरतं. कोण देतो हा दाखला?

Credit Information Bureau (India) Limited किंवा CIBIL ही संस्था हे काम गेल्या पंधरा वर्षांपासून करीत आहे. कुणी बॅंकेकडून कर्ज घेतलं, क्रेडीट कार्ड घेतलं, फोन कनेक्शन घेतलं की कर्जाचा हप्ता, फोनचं बिल किंवा क्रेडीट कार्डची देय रक्कम वेळेत भरली जाते किंवा कसं याची माहिती त्या त्या संस्था वेळोवेळी सिबिलला कळवत असतात. या नोंदींची योग्य वर्गवारी करून सिबिल प्रत्येक व्यक्तीचं पत मानांकन करून त्याला मार्क देत असते. कधीतरी चुकवलेला कर्जाचा हप्ता, क्रेडीट कार्डचं न केलेलं पेमेंट किंवा फोनचं न भरलेलं बिल आपली बाजारातली पत घालवू शकतं. आणि तुम्ही जर वेळेवर रक्कम अदा करीत असाल तर आपल्याला चांगलं पत मानांकन प्राप्त होवू शकतं.

सिबिलकडे पाचशे रुपये भरून तुम्ही तुमचं मानांकन तपासू शकता. नोकरीला लागताना किंवा लग्नाच्या बोहल्यावर चढण्याआधी असा दाखला समोरच्याने मागितला तर आता नवल वाटायला नको. तेव्हा मित्रहो...,  यह इज्जत का मामला है। सिबिल सगळं बघतंय, तेव्हा इज्जतीला धक्का लागू देवू नका.          

वसंत पंचमी

आज वसंत पंचमी.  माघ शुक्ल पंचमी. मदनाची जन्म तिथी. वैवाहिक जीवन आनंदाचं आणि सुख समाधानाचं व्हावं म्हणून आज त्याची पुजा केली जाते. तो आज रतीसह पृथ्वीवर भ्रमंती करायला येत असतो.

आजचा दिवस म्हणजे ऋतू बदलाचा दिवस. पानझडीतून आलेली मरगळ दूर करून सृष्टी एक नवं रुप घेत असते. तसं ते रुप नित्य नवंच असतं. या रुपालाच खरं तर नमन केलं पाहिजे. रोजच्या रोज उगवणारा सुर्य तोच असला तरी रोजच्या उषेचे रंग वेगळे, पालवीचे पालटत जाणारे रंग; आकार वेगळे, पक्षाची भरारी वेगळी आणि त्याने दिलेली तानसुद्धा नवोन्मेषी. हे सृष्टीचं रुप पालटणारी शक्ती, तीच पुजनीय. तीच वंदनीय, पण तिकडे पहायला आपणाला वेळ तर हवा किंवा वेळ खुप असला तरी थोडं बाहेर डोकावून पहायची तसदी तरी घेतली पाहिजे.  

रोजच्या रोज उमलणारी फुलं तीच असली तरी त्यांचं उमलणं किती आल्हादकारी असतं. ते उमलणं एकदा पाहिलं म्हणजे झालं, पुन्हा पुन्हा तेच काय पहायचं असं कधी होतं का? हेच चिरंतन आहे. त्याचा उत्साह आज पुन्हा एकदा नव्याने सुरू होत आहे. रंगांची नवी उधळण पुन्हा एकदा होत आहे, होवू घातली आहे. बघा या छायाचित्रातलं आकाश काल असं होतं. आज तेच आकश अगदी वेगळं होतं. हाच सृष्टीचा नियम आहे. ते क्षण धरून ठेवता येणारच नाहीत आणि म्हणूनच नित्य नव्याने येणार्‍या  क्षणाचा उत्सव केला पाहिजे. आज वसंत पंचमीच्या दिवशी बाहेर तो सुरूही झाला आहे. जरा बघाना रंगोत्सव सुरू झाला आहे. .                                    

प्रेम कुणावर करावं ?

प्रेम कुणावर करावं?

प्रेम...

योगावर करावं

भोगावर करावं

आणि त्याहूनही अधिक

त्यागावर करावं.

कुसुमाग्रजांच्या कवितेतील या ओळी प्रेम म्हटलं की सहज ओठावर येतात. व्हालेंटाईन डे च्या निमित्ताने किंबहूना त्या निमित्त मांडलेल्या बाजारामुळे या गोष्टीकडे अधिक लक्ष वेधून घेतलं गेलं. प्रेम कुणावरही करावं..... पण भोगावर करता करता योगावर करावं आणि त्याहूनही अधिक त्यागावर करावं हे आताशा विसरलं जावू लागलय. योग तर कधीचाच दूर गेला, त्याग फक्त दातृत्वाचा केला गेला आणि भोग हा एकमेव प्रेमाचा विषय झाला. भोग, त्यासाठी लागणारा पैसा या मागे माणूस लागला आणि स्वत:वरच प्रेम करायला विसरला. प्रेम दुसर्‍यावर करावं पण त्याहूनही अधिक स्वत:वर करावं. स्वत:च्या प्रकृतीवर करावं, स्वत:च्या सकारात्मक वागणूकीवर करावं, मित्रामित्रांमधल्या दृढ नात्यांवर करावं, जगण्यासाठी लागणार्‍या साधनांवर करावंच पण त्याही पेक्षा अधिक स्वत:च्या जगण्यावर करावं. मित्रांनो आपण हे जगणच हल्ली विसरून गेलोय. तेव्हा व्हालेंटाईन डे च्या निमित्ताने एक प्रेमळ आर्जव आहे:

प्रेम भोगावर करावं

त्यासाठी लागणार्‍या साधनांवर करावं

आणि त्याहूनही अधिक

आपल्या जगण्यावर करावं. 

ज्याचा त्याचा सूर्य

‘नासा’च्या दुर्बिणीला गवसली दुसरी वसुंधरा! ही बातमी आज लोकसत्ता मध्ये वाचली. केप्लर अंतराळ दुर्बिणीला आपल्या पृथ्वी सारखाच एक ग्रह अंतराळात दिसला आहे. प्रथम दर्शनी पृथ्वीचे गुणधर्म असलेला हा ग्रह आहे. तो ग्रह एका वेगळ्याच सूर्या भोवती फिरत आहे. त्या सूर्या पासून उर्जा घेत आहे. त्या सूर्याचं आणि त्या पृथ्वीच एक नातं आहे. ती पृथ्वी  २९० दिवसांत त्या सूर्या भोवतालची एक प्रदक्षणा पूर्ण करते. त्या ग्रहावर पाणी, वातावरण आणि जीव सृष्टी असण्याची शक्यता आहे. थोडक्यात ती पृथ्वी त्या सूर्यावर अवलंबून आहे.

आपण ज्या पृथ्वीवर राहातो ती पृथ्वी आपल्या सूर्यावर अवलंबून आहे. त्या सूर्यापासून ती उर्जा घेत आहे. आपणही त्याच उर्जेचा वापर करत आसतो. तसे आपण असेच एखाद्या उर्जा क्षेत्रा भेवती फिरत असेतो. त्या पासून उर्जा घेत असतो. जगत असतो. पण हे करताना आपण काही वेळा, नव्हे बर्‍याच वेळा त्या उर्जा क्षेत्राला पर्यायाने आपल्या सूर्याला विसरून गेलेले असतो किंवा त्या सूर्याची दखल घेत नसतो. हे असं असलं तरी कुठली तरी अज्ञान दुर्बिण आपल्याला पाहात असेलच नाहीका? आपण त्यालाच देव पाहात असतो असं म्हणत असतो.

चाराचर सृष्टी, आपली पृथ्वी, ग्रह मंडळ, आपली आकाशगंगा, लांबवर दिसणारी आपल्या आकाशगंगे बाहेरील अँड्रोमीडा ही आणखी एक आकाशगंगा, अशा अनेक आकाश गंगा, अब्जावधी प्रकाशवर्षं दूर आसणार्‍या आणखी काही, अनेक कृष्ण विवरं आणि अजून अज्ञात असलेलं बरच काही.  या सगळ्या प्रचंड व्यापात आपण कशा भोवती तरी रोज फिरत असतो, त्याच वर्तूळात गोल गोल फिरत राहातो, असूदे फिरूया पण त्याच वेळी ज्या सूर्या पासून आपण उर्जा घेतो त्याचीही आठवण ठेऊया!    

महत्वाच्या नागरी सेवा आणि त्यांच्या लिंक

 महत्वाच्या नागरी सेवा आणि त्यांच्या वेबसाईटसच्या लिंक खाली देत आहे.

 

Obtain:

·  Birth Certificate

·  Caste Certificate

·  Tribe Certificate

·  Domicile Certificate

·  Driving Licence

·  Marriage Certificate

·  Death Certificate

·  Search More - How do I

Apply for:

·  PAN Card

·  TAN Card

·  Ration Card

·  Passport

·  Inclusion of name in the Electoral Rolls

·  Search More - How do I

Register:

·  Land/Property

·  Vehicle

·  With State Employment Exchange

·  As Employer

·  Company

·  .IN Domain

·  GOV.IN Domain

·  Search More - How do I

Check/Track:

·  Waiting list status for Central Government Housing

·  Status of Stolen Vehicles

·  Land Records

·  Causelist of Indian Courts

·  Court Judgements (JUDIS )

·  Daily Court Orders/Case Status

·  Acts of Indian Parliament

·  Exam Results

·  Speed Post Status

·  Agricultural Market Prices Online

·  Search More - How do I

Book/File/Lodge:

·  Train Tickets Online

·  Air Tickets Online

·  Income Tax Returns

·  Complaint with Central Vigilance Commission (CVC)

·  Search More - How do I

Contribute to:

·  Prime Minister's Relief Fund

·  Search More - How do I

Others:

·  Send Letters Electronically

·  Search More - How do I

Search for Available Services
Select from the menu to know the available Services contributed by Central Government Ministries/Departme nts, State Government, UT. 
Central:   [Select Central \/]   
[RichText] 
State:   [ Select State  \/]   
[ Search State ] 
Advance Search
Recently Added Online Services

·  Tamil Nadu:Online application of marriage certificate for persons having registered their marriages

·  Tamil Nadu:Online District wise soil Details of Tamil Nadu

·  Tamil Nadu:View Water shed Atlas of Tamil Nadu

·  Tamil Nadu:E-Pension District Treasury Tirunelveli

·  Meghalaya:Search Electoral Roll Online by Name (2008)

·  Meghalaya:Search Electoral Roll Online by EPIC number (2008)

·  Meghalaya:Search Electoral Roll Online by House number (2008)

·  Himachal Pradesh:Revised Pay and Arrears Calculator-Fifth Pay

·  Meghalaya:Search Electoral Roll Online by Part number (2008)

·  Andhra Pradesh:Online Motor Driving School Information

Source: National Portal Content Management Team Error! Filename not specified.
Global Navigation

·  Citizens

·  Business (External website that opens in a new window)

·  Overseas

·  Government

·  Know India

·  Sectors

·  Directories

·  Documents

·  Forms

·  Acts

·  Rules

·  Schemes

·  Tenders

·  Home

·  About the Portal

·  Site Map

·  Link to Us

·  Add to Favorites (Refer the Help section)

·  Suggest to a Friend

·  Help

·  Terms of Use

·  Feedback

·  Contact Us

·  Accessibility Statement

विश्व चषक २०११ - वेळापत्रक

आज विश्व चषक २०११ चं वेळापत्रक नेटवर पाहिलं. क्रिकेटप्रेमींना हे वेळापत्रक पाहिजे असणारच पण क्रिकेटचं वेड नसणार्‍यांनीही ते एकदा पहावच, कारण हे वेळापत्रकच खुप छान प्रकारे प्रोग्राम केलं आहे. प्रेझेंटेशन, प्रोग्रामिंग आणि माहिती या सगळ्याच बाबतीत उत्तम असं हे वेळापत्रक पहाच.  

अंतु बर्वा अमर आहे...!

ओबामा मुंबईत येऊन गेले. त्यानी सर्वच मुंबईकरांची मनं जिंकली. जगातील एकमेव महासत्ता असलेल्या देशाचा प्रमुख असूनही कसलीच प्रौढी त्यानी मिरवली नाही. ज्यांना ओबामांची प्रत्यक्ष  भेट लाभली ते खरच सुदैवी म्हटले पाहिजेत. मणीभवनची ओबामांची भेट गाजली. पण त्या आधी त्याच मणीभवन मध्ये एक नाट्य रंगलं होतं. मणीभवन मध्ये ओबामा येणार म्हणून अमेरिकन अधिकारी तिकडे गेले. ओबामा आल्यावर कोणी कुठे किती अंशाच्या कोनात वाकून उभं रहायचं, काय करायचं, काय बोलायचं याच्या सुचना दिल्या जात होत्या. एक गांधीवादी मात्र म्हणाला हे जमणार नाही. अधिकारी चक्रावले. का? असं आवासून त्यानी विचारलं तेव्हा “मला माझ्या पुर्व नियोजीत कार्यक्रमामुळे या कार्यक्रमाला येता येईल असं वाटत नाही” असं तो गांधीवादी म्हणाला. अधिक चौकशी केल्यावर समजलं की त्या जेष्ठ गांचीवाद्याने कोकणकन्या एक्सप्रेसचं तिकिट काढलं होतं आणि भेटीच्या आदल्या रात्री त्यांना कोकणकन्याने रत्नागीरीला जायचं होतं. प्रत्यक्ष परमेश्वर आला तरी आपला पुर्वनियोजीत कार्यक्रम न बदलणारा हा गांधीवादी पुलंच्या अंतु बर्व्याच्याच गावचा. मान लिया उस्ताद. वाचा: महत्त्वाचं काय? ओबामांची भेट की मोठय़ा मुश्किलीने मिळालेले कोकणकन्या एक्स्प्रेसचे तिकीट?                  

इपिक ब्राऊजर - भारतीयांचा भारतीयांसाठी

 भारतीयांचा भारतीयांसाठी 

सध्या मी इपिक ब्राऊजर च्या प्रेमात पडलोय. हा मस्त इंटर्नेट ब्राऊजर भारतीयांसाठी भारतीयांनी बनवलेला आहे. सर्वकाही भरतीय असून हा ब्राऊजर मराठी, हिन्दी, गुजराथी, कन्नड़, तेलुगु, बंगाली, तामिळ, मल्याळम, उर्दू आणि पंजाबीसहीत बारा भारतीय भाषांना पुर्णपणे सपोर्ट करतो. त्यासाठी आवश्यक असलेला वर्ड प्रोसेसरही यामध्ये अंतर्भूत केलेला आहे. बहुतांश शब्द आपण कसेही टाईप केले तरी ते बरोबर केले जातात आणि त्याला पर्याय उपलब्ध करून दिले जातात.

इंटरनेटवरून कुठलीही गोष्ट डाऊनलोड करताना भिती असते ती व्हायरसची, पण इपिक मध्ये antivirus scanner अंतर्भूत केलेला आहे. आपण काहीही डाऊनलोड केले तरी ते स्कॅन करूनच घेतले जाते.

बाऊजर च्या डाव्या बाजूला असलेलं पॅनल खुप उपयोगी आहे नव्हे ती एक जादूच आहे. सर्वात वर असलेल्या India वर क्लिक केल्यास भारतातल्या बहुतांश भाषा तसचं राज्यांच्या बातम्या घेऊन हा ब्राओझर हजर होतो. महाराष्ट्राच्या बाबतीत लोकसत्ता, महाराष्ट्र टाईम्स, सकाळ, प्रहार  इत्यादी इ पेपर आपणास सहज पहाता येतात.

भारतीय वॉलपेपरचा खजिना, विंडोज एक्सप्लोरर, व्हिडीओ, कामचं लिस्ट, टायमर, फेसबूक, आर्कूट, ट्विटर सारख्या साईटस्, जिमेल, याहू मेल, गेम्स्, बुकमार्कस्, आणि अनेक गोष्टी या इपिक मध्ये आहेत.  खरच खुप उपयोगी ब्राऊजर आहे. नक्की वापरून बघा. हा ब्राऊजर आपण इथून फुकट डाऊनलोड करू शकता. कराच..! 

डाऊनलोड

उत्साहाचा झरा

मरगळलेलं मन, उदास वतावरण, काळजी, चींता अशा अनेक गोष्टींमुळे मनात मळभ दाटून येतं आणि नेमक्या त्याच वेळी एखाद्या मित्राचा फोन येतो.............. बोलणं संपतं.......... आणि आधी दाटून आलेले ते कृष्णमेघ पार नाहीसे होतात. लख्ख प्रकाश पडतो. आपण उत्साहने कामाला लागतो. उदास वाटणं किंवा उत्साही वाटणं या आपल्या मनाच्या आत दडलेल्या लाटा, कधी कुठची येवून थडकेल सांगणं कठीण. हेच मन मग आपल्याला विचारांच्या खोल खोल गर्तेत घेवून जातं. आणि तेवढ्याच वेगात तेच मन उभारी घेतं. असं होतं खरं. प्रिय व्यक्ती भेटणं, चांगले विचार, लेख वाचनात येणं, ‘या जन्मावर... या जगण्यावर...... शतदा प्रेम करावे....’ सारखं गाणं,  कारणं काहीही असोत पण मनाला उभारी येते, चैतन्याचा झरा पुन्हा वाहू लागतो हे महत्वाचं. आजच माझ्या मित्राचा फोन आला आणि मला अशी अनुभूती आली, ती आपल्या पर्यंत पोहोचवली एवढच.