गंध धुंद

तो... सुगंध तसाच

नित्य दरवळणारा

तू अवती भवती असताना

मला मोहवणारा

वार्‍याची झुळूक

नित्य नवी

तुझ्या अत्तराची कुपी त्या संगे

हवीच हवी

मला अजून त्याची

सवय झाली नाही !

मंद सुवासाची लहर

जुनी झालीच नाही !

कोटी कोटी श्वास

सुखावत गेले

जगण्याची धुंदी

वाढवत गेले

तुझ्या पाकळ्यांच्या आत

अशी काय जादू ?

किती किती पदर

त्याची लय कशी साधू ?

हे तुझं चिरंतन देणं

आणि माझं नित्य नवं होणं

वसंता सारखं बहरणं

आणि रातराणी होणं 

तो स्त्रोत तसाच ठेव

नित्य दरवळणारा

माझ्या अवती भवती

मला खुलवणारा

नरेंद्र प्रभू