सुख पौर्णिमेचं आलं

सुख पौर्णिमेचं आलं

चांदण्यात झाड न्हालं

तुझ्या वर्षावात माझं

अंग अंग चिंब झालं

धुवूनीया आज निघे

तम काळोख्या रात्रींचा

तुझे शितल चांदणे

ताप हरे अंतरीचा

कले कलेने वाढतो

उजळतो हा प्रकाश

गुज अंतरीचे तुझ्या

अंथरले आसपास

नरेंद्र प्रभू       

त्या वाटेवर

त्या वाटेवर फुले सुगंधी वेचीत असता

रुतला काटा

त्या वाटेवर बकुळ फुलांचा सडा सदोदीत

निसर्‍या वाटा

त्या वाटेवर निर्झर असती जीवन दायी

मध्येच खाई

त्या वाटेवर आम्रतरूंची सुंदर रायी

उंच चढायी

त्या वाटेवर तुझेच गे घर, अन हिंदोळे

जहरी डोळे

त्या वाटेवर पिठूर चांदणे कुणी शिपंडले

ढगही आले

त्या वाटेवर सावलीत मी बसलो असता

अवचीत हाका

त्या वाटेवर तुझी पाऊले नाजूक पडली

अडली घटका    

नरेंद्र प्रभू

12/12/2016