उतरलं सारं नभ

उतरलं सारं नभ तिथं डोंगरापल्याड

अन वर्षाव जाहला इथं रानमाळावर

रानपक्षी चिंब ओला उभा असे आडोशाला

तास सरसरा चाले, उभा तरवा कडेला

दिस बुडायला आला, थार नसे पावसाला

तिथं खोप्यामध्ये जीव असे तान्हेला दुधाला

अवचित पावसाने थोडी उघडीप दिली

माय धावते तरारा, चिंब पान्ह्याने जाहली 

नभ भरून आलेलं, उतरलं धरेवर

वर्षावला पान्हा त्याचा... असे कधीचा उधार

नरेंद्र प्रभू

२५ जून २०१९

कोकण रेल्वे मार्गावरून