रंग सोहळा

नरेंद्र प्रभू  लिखित ग्रंथाली प्रकाशनाचं नवं पुस्तक

‘हे प्रवासी गीत माझे.... आत्माराम परब यांचा रंजक प्रवास’ 

या पुस्तकात असलेली चारोळी ज्या कवितेमधून घेतली ती माझी कविता  

इथे दूरवर अपूर्व उत्सव

सजली धरणी आता रे

आभाळाला रंग धरेचे

धरती अंबर झाले रे

रंग सोहळा हा सृष्टीचा

खेळत आहे कान्हा रे

अशी निळाई आकाशाची

त्याने आहे ल्याली रे

शाम रंग चौफेर दाटला

गोपी काजळ लावी रे

मंद तारका धावत आल्या

नभांगणाची शोभा रे

चंद्र हासरा झाडांमागून

गुपीत हाय हे बघतो रे

अवचीत येतो वारा मागून

चूर-चूर ही राधा रे   

नरेंद्र प्रभू