थेंब टपोरे नाचत येती
फेर धरोनी वाssरा
तरु-वेली या नर्तन करिती
अखंड झेलत धारा
पाऊस झिम्माड झिम्माड झाsssला
पाऊस झिम्माड झिम्माड झाsssला
प्रचंड लाटा उसळत सागर
तुफान घेऊन येssई
अविरत गरजे घोष तयाचा
तमा कुणाची नाही
मासोळ्यांचे थवे सोबती
चांदीचाच पसाssरा
तरु-वेली या नर्तन......
सैरावैरा पाणी वाहे
थारा त्याला नाssही
कोसळती धबधबे सारखे
पूर दुधाला येई
हिरवी झाली अवघी धरती
आनंदच हा साssरा
तरु-वेली या नर्तन......
नरेंद्र प्रभू
Posts
No comments:
Post a Comment