माझ्या महाराष्ट्र देशा

त्रिवार वंदन तुझीया पायी

महाराष्ट्र देशा

तव मातीतच घडलो जडलो

माझ्या परमेशा

कठिण कातळ, कणखर भाषा

शस्त्रांच्या घोषा

दिव्य पराक्रम रणवीरांचा

तुझ्या बाहूपाशा

अपार श्रद्धा, अविरत परिश्रम

करू सिद्ध आशा

काळालाही भिववीशील तू

धाक असे म्लेन्षा

अथांग सागर तुझ्याच ठायी

कृष्णा गोदावरी

अभेद्य कवच सह्यकड्यांचे

तुझीया माथ्यावरी

तू तुकयाचा, ज्ञानेशाचा

समर्थ वारकरी

तूच पराक्रम समरांगणीचा

शिवबाच तुझ्या अंतरी

माय मराठी अमृताची

अवीट गोड भाषा

त्रिवार वंदन तुझीया पायी

महाराष्ट्र देशा

नरेन्द्र प्रभू