पाऊस कधी चाचपडतो
कधी पडतो असा उताणा
करी पाणी-पाणी सगळ्यांचे
तो वाहून गेला बाणा
पाऊस कधी चाsssपडतो
दौर्यात न्याहाळी गटारे
सफाई फक्त हातांची
मग गटारगंगा आली
‘मिठी’ बसली का रे दातांची ?
पाऊस कधी चाsssपडतो
चापात अडकला वाघ
पन्नाशीची ती डरकाळी
चिरक्या आवाजाचीही
ती वेळही चुकून गेली
पाऊस कधी चाsssपडतो
पाऊस कधी चाsssअडतो
किती वर्षे झाली इथली
पाण्यात अडकली दुनिया
ही तुझीच ना रे खेळी ?
पाऊस कधी चाsssअडतो
माजल्या उरावर तुझीया
पेटून उठो मतदार
तो असा पडो पाऊस
तू नको पुन्हा येवूस
पाऊस कधी चाsssपडतो
No comments:
Post a Comment