चला जाउया सोडून बंधन

P.C. Atmaram Parab

या सफरीवर असे विसावा

वाट फुलांनी भरलेली

सखे सोबती मैत्र जीवांचे

अधिक मैत्री ठरलेली

 

मोर पीसासम हलके होईल

मन वेडे ते तिथेच राहील

हिरव्या वाटा निळा समुंदर

भरती असते आलेली

 

किती पहा हे सुंदर पक्षी

विहरत जाती काढीत नक्षी

रोमांचित  करती रान-सावल्या

 वाघ सिंह हत्तीची साक्षी

 

गाठू उंची हिमालयाची

लुटूया मज्जा शुभ्र हिमाची

मोर पीसांचे निळे सरोवर

शिखरे पाहू ती सोन्याची

 

चला जाउया सोडून बंधन

नविन जग ते येवू पाहून

क्षण सोन्याचे आनंदाचे

भरून घेऊ तेथे जाऊन

 

नरेंद्र प्रभू