युग कुठलं ही असेना का!

दुष्ट प्रवृत्तीचा नाश करावा म्हटलं तरी

नरकासूरांचाच माज आहे

कितीदा भेद केला तरी

जरासंधाचाच बाज आहे   

तू म्हणाला होतास संभवामी युगे युगे, म्हणजे

तुझ्या येण्याची वाट पाहावी लागणार

आणि देवा तोपर्यंत तरी

आई-बापाला तुरूंगात सडावं लागणार

तुझी बहीण असली तरी

द्रोपदीची विटंबना होतच रहाणार, आणि

दुर्योधनाची मांडी फुटेस्तोवर

वाट ही पहावीच लागणार

म्हणजे मग भिम असण्याला

काय अर्थ आहे?

अर्जुनाचं गांडीवही

तिथं कुठं श्रेष्ठ आहे?

पण कर्ण आणि युधीष्ठीर होण्यापेक्षा   

भिम अर्जुनच योग्य आहेत

ते व्दापार युगातले, आणि

हे कलियुगातले असा भेद आहे

युग कुठलं ही असेना का!

तुझा पाठिंबा त्यास आहे

जो अन्यायाविरुद्ध उठतो

तुझा तिथेच वास आहे