शर्यत

मुख्यमंत्री होण्यासाठी

सगळ्यानीच कंबर कसली आहे

कमरेच्याहीवर वार करायला

त्यांची तलवार सज्ज आहे

कुणी साईबाबांचं दर्शन घेवून

मॅडमच्या दारी उभा आहे

कुणी अपक्षांच्या दाढ्या कुरवाळत

एक एक मणी मोजतो आहे

पैशांच्या थैल्या गाढवांवर वाहून

घोडेबाजार सजतो आहे

मतपेटी आड बसून

मतदार राजा हसतो आहे

आकडेमोड करून करून

डाव मांडला जात आहे

मांडलेला डाव नक्कीच मोडणार

फक्त थोडा अवधी आहे.