13 September, 2009

नवा क्षण


येणारा प्रत्येक क्षण नवा असतो
आशेचा एक अंकुर घेवून येतो
भुतकाळातील बेसूर स्वर
उगाच आळवत बसायचा नसतो

कालचं सुखही जुनं होतं
आणि कालचं दुःखही विसरलं जातं
जीवनाच्या या वाटेवर
पुढचं आकाश मोकळं असतं

काळाच्या उदरात काय दडलय ?
जे झालं ते घडलय की बिघडलय ?
त्याच उत्तर काळच देईल
पण खरं सांगा कुणापासून कुणाचं अडलय ?

विस्मरण हा काही शाप नसतो
दुःख विसरण्यासाठी तो वरदानच ठरतो
आठवणींचं ओझं फेकून
नवा क्षण जगायचा असतो


नरेन्द्र प्रभु

LinkWithin

Related Posts with Thumbnails
 

Design in CSS by TemplateWorld and sponsored by SmashingMagazine
Blogger Template created by Deluxe Templates Tested Blogger Templates